نكت جامده

مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟ قالت أصله كان بيحب واحدة ومتجوزهاش .
دخل العنبر الى بعده لقى واحد بيضرب نفسة بالشبشب قالها وده ماله قالتله اصل ده الى اتجوزها ؟؟

واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه . . طرررررخ!!! الزوج: 'فيه ايه يا بنت الحلال؟ ليه كدا؟؟؟'
الزوجه :'ايه الورقه اللي في جيب بدلتك ومكتوب عليها 'سوسو'؟؟' الزوج: 'يا بنت الحلال، ده أسم الحصان اللى بنشجعه في السباق!' الزوجه صدقته وراحت لحالها... بعد اسبوع،الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: 'خير يابنت الحلال في ايه تاني؟؟' الزوجه:'حصانك على التليفون

• واحد ماشى مع خطيبته واخر انسجام فقالها 'عارفة اية هو الحب واية الجواز؟' قالته 'لا' قالها: 'الحب زى النجوم الجميلة اللى فى السماء'
  قالتله'طب والجواز؟' قالها:'دى الحفرة اللى واحنا بنبص على النجوم بنقع فيها

• واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.

• مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!

مرة واحد قال لصاحبه 'عاوز أعمل لمراتي مفاجأة فى عيد جوازنا' صاحبه قالوا هتعمل إيه؟' قالوا 'هوديها الصين' قالوا 'يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟' فقالوا 'حروح اخدها']